ကျွန်တော်တို့ ယောင်္ကျားလေးအများစုက ဖိုမချစ်တင်းနှောခြင်း (လိင်ဆက်ဆံခြင်း)နဲ့ ပတ်သက်ပြီး ငြင်းဆိုကန့်ကွက်စရာ အများကြီးမရှိကြပါဘူး။ မနက်ခင်းပိုင်းဖြစ်ဖြစ်၊ ရေချိုးရင်းပဲဖြစ်ဖြစ်၊ ကားနောက်ခုံမှာပဲဖြစ်ဖြစ်၊ နှစ်ပတ်လည်နေ့၊ ချစ်သူများနေ့ စတဲ့နေ့တွေပဲဖြစ်ဖြစ်၊ ပထမဆုံးအကြိမ်ပဲဖြစ်ဖြစ်၊ ဘယ်လိုချစ်တင်းနှောခြင်းကိုမဆို သာယာတတ်ကြပါတယ်။ ဒါပေမယ့် ချစ်တင်းနှောခြင်းဟာ သာယာကျေနပ်မှုတစ်ခုပဲ ပေးနိုင်တာမဟုတ်ပါဘူး။ လေ့လာမှုတွေအရ လိင်ဆက်ဆံခြင်းဟာ သင့်ဘ၀အတွက် အထောက်အကူဖြစ်စေနိုင်တဲ့ အကျိုးကျေးဇူး (၁၀)မျိုးကိုလည်း ပေးစွမ်းနိုင်ပါတယ်။
၁။ သင့်ကို ပိုပြီးပျော်ရွှင်စေတယ်
ဒီအချက်ကတော့ သိပ်အများကြီးစဉ်းစားနေစရာမလိုလောက်ပါဘူး။ ချစ်တင်းနှောပြီး ခံစားမှုအထွဋ်အထိပ်ကို ရောက်ရှိပြီးနောက်မှာ သင့်အနေနဲ့ သာယာပျော်ရွှင်မှုကို ခံစားရမှာပါ။ ဒါဟာ ဘာကြောင့်လဲဆိုရင် ကိစ္စပြီးလို့ မိနစ်အနည်းငယ်လောက်အကြာမှာ သင့်ရဲ့ခန္ဓာကိုယ်က စိတ်ဖိစီးမှုတွေကို လျှော့ချပေးနိုင်တဲ့ အောက်စီတိုဂျင်ဟောမုန်းတွေ အများအပြားထုတ်လုပ်ပေးနေတာကြောင့် ဖြစ်ပါတယ်။ ဒါ့ကြောင့် သင့်အနေနဲ့ စိတ်ကြည်လင်လျော့ပါးပြီး ပျော်ရွှင်နေရသလို့ သင့်လက်တွဲဖော်နဲ့လည်း ပိုပြီးရင်းနှီးစေမှာဖြစ်ပါတယ်။
၂။ ဆီးကျိတ်ကင်ဆာဖြစ်နိုင်ချေကို လျှော့ချပေးတယ်
ယောင်္ကျားလေးတွေအတွက် မကြာခဏသုတ်ရည်ထွက်ခြင်းက ဆီးကျိတ်ကင်ဆာဖြစ်နိုင်ချေကို လျှော့ချပေးနိုင်ပါတယ်။ သုတ်ရည်ထုတ်ခြင်းဟာ ဆီးကျိတ်အတွင်း ကင်ဆာဖြစ်စေနိုင်တဲ့ ဓာတ်ပစ္စည်းတွေ စုပုံများပြားခြင်းကို ရှင်းထုတ်ပစ်နိုင်တာကြောင့် ဖြစ်ပါတယ်။ တစ်ကိုယ်တည်းသမားတွေလည်း စိတ်ပူစရာမလိုပါဘူး။ လိင်ဆက်ဆံခြင်းကြောင့် သုတ်ရည်ထွက်ခြင်းတစ်ခုတည်းက ဒီအကျိုးကျေးဇူးပေးနိုင်တာ မဟုတ်ပါဘူး။ တစ်ကိုယ်ရည်စိတ်ဖြေခြင်းကနေလည်း ဒီအကျိုးကျေးဇူးကို ရနိုင်ပါတယ်။
၃။ အလုပ်ကို မုန်းတီးစိတ်တွေ လျော့နည်းစေတယ်
ပျော်ရွှင်ကျေနပ်စရာကောင်းတဲ့ လိင်မှုဘ၀ကို ရရှိထားသူတွေအနေနဲ့ အလုပ်မှာ ပိုမိုပျော်ရွှင်ရပြီး အကောင်းဆုံးလုပ်ဆောင်နိုင်တယ်လို့ လေ့လာမှုတစ်ခုမှာ ဖော်ပြထားပါတယ်။ လေ့လာမှုအရ အလုပ်မ၀င်ခင် ညမှာ လိင်ဆက်ဆံလေ့ရှိသူတွေဟာ နောက်တစ်နေ့အလုပ်ထဲမှာ ပိုမိုစိတ်ဝင်စား အာရုံစိုက်နိုင်တယ်လို့ ဆိုပါတယ်။ ဒီလိုဖြစ်ရတာဟာ လိင်ဆက်ဆံခြင်းကြောင့် ခံစားမှုကို ကောင်းမွန်စေတဲ့ အောက်စီတိုဂျင်နဲ့ ဒိုပါမင်းတို့လို ဟော်မုန်းတွေ ထွက်လာတာကြောင့် ဖြစ်ပါတယ်။
၎။ သင့် ဖွားဖက်တော် စွမ်းဆောင်နိုင်ဖို့ ကူညီပေးတယ်
လိင်ဆက်ဆံခြင်းဟာ သင့်ရဲ့ဖွားဖက်တော်ကို သန်စွမ်းကျန်းမာနေစေဖို့လည်း အထောက်အကူ ဖြစ်စေနိုင်ပါတယ်။ လေ့လာမှုတွေအရ မကြာခဏလိင်ဆက်ဆံမှု ရှိသူတွေဟာ လိင်ဆက်ဆံမှုနည်းသူတွေထက် ပန်းသေပန်းညှိုးဖြစ်နိုင်ချေနည်းတယ်လို့ ဆိုပါတယ်။ လိင်တံထောင်မတ်မှုဟာ သင့်ဖွားဖက်တော်ကို အောက်စီဂျင်ပြည့်ဝစွာ ရရှိစေနိုင်ပါတယ်။ ဖွားဖက်တော်မှာ အောက်စီဂျင်လုံလောက်စွာ မရရှိမှုက အနာရွတ်တစ်ရှုးတွေကို များပြားလာစေပြီး လိင်တံထောင်မတ်မှုကို ခက်ခဲစေနိုင်ပါတယ်။ ဆေးလိပ်သောက်ခြင်း၊ ကိုယ်လက်လှုပ်ရှားမှုနည်းခြင်းတို့ကလည်း သင့်ဖွားဖက်တော်ကို စွမ်းဆောင်ရည်ကျဆင်းစေနိုင်ပါတယ်။ ဒါ့ကြောင့် ကျန်းမာရေးနဲ့ညီညွတ်တဲ့ ဘ၀နေထိုင်မှုပုံစံရှိဖို့လည်း လိုပါတယ်။
၅။ နှစ်နှစ်ခြိုက်ခြိုက် အိပ်ပျော်စေတယ်
ချစ်တင်းနှောပြီးတဲ့နောက်မှာ မျက်လုံးမဖွင့်ချင်လောက်အောင် ဖြစ်သွားပါသလား။ ဒါဟာ စိတ်ဖိစီးမှုတွေကို လျော့ပါးသက်သာစေနိုင်တဲ့ အောက်စီတိုဂျင်ဟော်မုန်းရဲ့ သက်ရောက်မှုကြောင့် ဖြစ်ပါတယ်။ လိင်ဆက်ဆံပြီးတဲ့အခါ ခန္ဓာကိုယ်က အောက်စီတိုဂျင်ဟော်မုန်းတစ်ခုထဲ ထုတ်ပေးတာမဟုတ်ပါဘူး။ သင့်ကို နိုးကြားလန်းဆန်းစေနိုင်တဲ့ ဒိုပါမင်းဓာတ်ကို နည်းသွားစေနိုင်တဲ့ ပရိုလက်တင် ဟော်မုန်းတွေကိုလည်း ထုတ်ပေးပါတယ်။ ဒါ့အပြင် ချစ်တင်းနှောတဲ့အခါ မီးရောင်မှိန်မှိန်နဲ့ အခန်းကလည်း ခန္ဓာကိုယ်ကို အိပ်စက်အနားယူစေဖို့ လှုံ့ဆော်ပေးနေပါတယ်။
၆။ ကယ်လိုရီတွေ လောင်ကျွမ်းစေတယ်
အားကစားခန်းမမှာ နာရီနဲ့ချီပြီး လေ့ကျင့်ခန်းလုပ်တာကို ဆိုလိုတာမဟုတ်ပါဘူး။ ချစ်တင်းနှောခြင်းမှာ ခန္ဓာကိုယ်လှုပ်ရှားမှုတွေ လုပ်ဆောင်ရပါတယ်။ ပျမ်းမျှအားဖြင့် အမျိုးသားတွေဟာ (၂၅)မိနစ်ကြာ တစ်ခါလိင်ဆက်ဆံပြီးတိုင်း ကယ်လိုရီ ၁၀၀ ခန့် လောင်ကျွမ်းသွားလေ့ရှိပါတယ်။ ဒီနှုန်းထားဟာ တစ်နာရီ သုံးမိုင်နှုန်းနဲ့ (၂၅)မိနစ်ကြာ လမ်းလျှောက်တာထက် ပိုများပါတယ်။ ဒီတော့ လိင်ဆက်ဆံမှုအချိန် ပိုကြာလေလေ၊ ကယ်လိုရီလောင်ကျွမ်းမှု ပိုများလေလေပဲဖြစ်ပါတယ်။
၇။ နှလုံးကျန်းမာရေးကို အထောက်အကူဖြစ်စေတယ်
သီတင်းတစ်ပတ်ကို နှစ်ကြိမ်သုံးကြိမ်အထိ လိင်ဆက်ဆံလေ့ရှိသူတွေဟာ တစ်လမှ အကြိမ်အနည်းငယ်လောက်ပဲ လိင်ဆက်ဆံသူတွေထက် နှလုံးနဲ့ပတ်သက်တဲ့ ရောဂါတွေ ဖြစ်နိုင်ချေနည်းတာကို လေ့လာမှုတစ်ခုက ဖော်ပြထားပါတယ်။ လိင်ဆက်ဆံခြင်းဟာ ရုပ်ပိုင်းဆိုင်ရာလှုပ်ရှားမှုတွေ များတဲ့အတွက် နှလုံးကျန်းမာရေးကို ကောင်းမွန်စေတာဖြစ်တယ်လို့လည်း ဆိုပါတယ်။ ဒါ့အပြင် မကြာခဏလိင်ဆက်ဆံခြင်းက လက်တွဲဖော်နဲ့ဆက်ဆံရေးကို ကောင်းမွန်စေတာကြောင့် စိတ်ဖိစီးမှုနည်းပါပြီး ပျော်ရွှင်ရတာကြောင့်လည်း ဖြစ်ပါတယ်။ စိတ်ဖိစီးမှုများခြင်းက ရုတ်တရက်နှလုံးဖောက်ပြန်တာ၊ လေဖြတ်တာနဲ့ ခန္ဓာကိုယ်ရောင်ယမ်းတာတွေကို ဖြစ်စေနိုင်ပါတယ်။ ဒါပေမယ့် သင့်အနေနဲ့ နှလုံးနဲ့ပတ်သက်တဲ့ ရောဂါဝေဒနာတစ်ခုခုရှိခဲ့ဖူးမယ်ဆိုရင်တော့ လိင်မဆက်ဆံခင်မှာ ဆရာဝန်နဲ့ တိုင်ပင်ဆွေးနွေးသင့်ပါတယ်။
၈။ ကိုယ်ခံအားစနစ်ကို ကောင်းမွန်စေတယ်
ပုံမှန်လိင်ဆက်ဆံမှုရှိသူတွေမှာ ကိုယ်ခံအားစနစ်ပိုမိုကောင်းမွန်ပြီး နာမကျန်းမှုတွေကို ပိုမိုခံနိုင်ရည်စွမ်းရှိပါတယ်။ ဒီလိုဖြစ်ရတာဟာ ပုံမှန်လိင်ဆက်ဆံမှုရှိသူတွေမှာ နာမကျန်းမှုတွေကို တိုက်ခိုက်ကာကွယ်ပေးတဲ့ ဓာတ်ပစ္စည်းတွေ ပိုမိုများပြားတဲ့အတွက်ပဲ ဖြစ်ပါတယ်။
၉။ ခေါင်းကိုက်ဝေဒနာကို သက်သာစေတယ်
လိင်ဆက်ဆံပြီး ခံစားမှုအထွဋ်အထိပ်ရောက်တဲ့အခါ သဘာဝအကိုက်အခဲပျောက်ဆေးနဲ့ တူပါတယ်။ ဒီအချိန်မှာ သင့်ရဲ့ဦးနှောက်ထဲမှာ သာယာမှုကို ခံစားရစေပြီး နာကျဉ်မှုကို လျော့ပါးသက်သာစေတဲ့ အန်ဒိုဖင်းဓာတ်တွေ အပြည့်ဖြစ်နေတတ်ပါတယ်။ ဒါ့ကြောင့် လိင်ဆက်ဆံခြင်းဟာ သင့်ရဲ့ ခေါင်းကိုက်ဝေဒနာကို လျော့ပါးသက်သာစေနိုင်တာ ဖြစ်ပါတယ်။
၁၀။ လက်တွဲဖော်နဲ့ဆက်ဆံရေးကို ပိုမိုကောင်းမွန်စေတယ်
ရေရှည်ခိုင်မြဲပျော်ရွှင်တဲ့ ဆက်ဆံရေးအတွက် လိင်ဆက်ဆံမှုဟာ လျို့ဝှက်ချက်တစ်ခု မဟုတ်ပါဘူး။ သင့်တို့ နှစ်ဦးစလုံးပျော်ရွှင်ရဖို့အတွက် တစ်ပတ်မှာ တစ်ခါလောက် အတူနေချစ်တင်းနှောရုံနဲ့ လုံလောက်ပါတယ်။ ပိုလုပ်လို့ ပိုပျော်ရမယ်လို့တော့ မမှတ်ယူလိုက်ပါနဲ့။ ဒါပေမယ့် တစ်နေကုန်အလုပ်တွေလုပ်ပြီး ညဖက်အထိ ခွန်အားရှိနေသေးတယ်ဆိုရင်တော့ သင့်သဘောပါပဲ။ ပညာရှင်တွေကတော့ တစ်ပတ်ကို တစ်ကြိမ်က အကောင်းဆုံးလို့ သတ်မှတ်ထားပါတယ်။
Credit-gentleman
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon