ညတုန်းက ထုံးစံအတိုင်း သူငယ်ချင်းတွေနဲ့ ၀ိုင်းဖွဲ့မိတော့ ကျွန်တော် အိမ်ပြန်နောက်ကျတယ် ။ကျောက်မြောင်းက အင်တာနက်ဆိုင်မှာ အင်တာနက်ဝင်သုံးပြီး ပြန်ထွက်လာတော့ ညတစ်နာရီခွဲနေပြီ ။ကျွန်တော်နေတဲ့ (၁၂၁)လမ်းကို လမ်းလျှောက်ပြန်လာတုန်း မင်္ဂလာဈေးေ၇ှ့မှာ လူတစ်ယောက်သွေးအိုင်ထဲ လဲနေတာတွေ့လိုက်တယ် ။ဘေးနားမှာ လူသုံးလေးယောက်လဲ အုံလို့ပေါ့..။အက်စီးဒင့်တစ်ခုကြောင့်လို့ ယူဆရပါတယ် ။လူတွေက တစ်ယောက်မှ အနားမကပ်ရဲကြဘူး ။
နိုက်ကလပ်ဝိတ်တာဝတ်စုံနဲ့လူနှစ်ယောက်ရယ် ၊ တက္ကစီသမားတစ်ယောက်ရယ် ၊ မူးနေပုံရတဲ့လူနှစ်ယောက်ရယ် ၊ သူတို့နဲ့အတူပါလာပုံရတဲ့ ပိန်ပိန်သေးသေး ညဉ့်ငှက်မလေးတစ်ယောက်ရယ် ဘေးမှာရှိနေတယ် ။လူက အသက်(၄၀)လောက် ၊ သွေးအိုင်ထဲမှာ ဖြူလျော့နေပြီ ။
ဆောင်းဝင်ခါစ ရန်ကုန်ရာသီဥတုနဲ့ ကတ္တရာလမ်းမမှာ ဒီတိုင်းဆက်ထားရင် သေဖို့ပဲရှိပါတော့တယ် ။“ဟေ့လူ တွေ ဒီတိုင်းကြည့်နေလို့မဖြစ်ဘူးဗျ သွေးတိတ်အောင် တစ်ခုခုလုပ်မှဖြစ်မယ်”ကျွန်တော် အဲဒီလို အော်ပြောလိုက်တော့ ကျွန်တော့်ကို အားလုံးက ကြောင်တောင်တောင်နဲ့ ကြည့်နေပါတယ် ။ဝိတ်တာတစ်ယောက်က သွားမကပ်နဲ့အကို ပြသနာတက်နေမယ် လို့လည်း ပြောပြန်တယ် ။လွန်ခဲ့တဲ့ တစ်နာရီလောက်ကတည်းက လဲနေတာလို့လည်း လမ်းဘေးဈေးသည်တစ်ယောက်က ၀င်ပြောတယ် ။
ရဲစခန်းက ဖုံးမကိုင်ဘူးဆိုတဲ့ အသံကလည်းထွက်လာတယ် ။ကျွန်တော်လည်း ပြသနာတွေ ဘာတွေ သိပ်စဉ်းစားမနေတော့ပါဘူး ။လူတစ်ယောက် မသေသင့်ဘဲ သေသွားမယ့် ကိစ္စကို ဒီလိုကြီး ကျွန်တော်ခွင့်မပြုနိုင်ဘူး ။အဲဒါနဲ့ ကျွန်တော်ကျောပိုးအိတ်ထဲမှာအသင့်ပါလာတဲ့ အမေ၀ယ်ပေးလိုက်တဲ့ ပုဆိုးအသစ်လေးကိုထုတ်ပြီး ဒီလူဘေးမှာ ထိုင်ချပြီး ခေါင်းက ဒဏ်ရာနေရာကို သွေးတိတ်အောင်စီးပေးလိုက်ပါတယ် ။ပြသနာတက်မှာ ကြောက်ကြရှာတဲ့ ကိုယ့်ဆရာသမားများကတော့ နည်းနည်းလေးတောင် လာမကူညီဘေးပဲ ပွဲကြည့်ပရိသတ်အဖြစ်သာ ရှိနေပါတော့တယ် ။သွေးတွေအိုင်ထွန်းနေတဲ့ လူကို ပွေ့ချီပြီး ပတ်တီးစီးပေးနေရတာ မလွယ်လှပါဘူး။
“အကို ညီမ ၀ိုင်းကူပေးမယ်..”ခုန အသားမဲမဲ အကောင်သေးသေး ညဉ့်ငှက်မလေးက ကျွန်တော်ဘေးလာထိုင်ရင်း လူနာကို ကူထိန်းပေးပါတယ် ။“ဟဲ့ စံပယ်ပန်း..နင် ၀င်မပါနဲ့..လာ ငါတို့နဲ့ ကိစ္စရှိသေးတယ်.. နင်ပြသနာတက်သွားချင်လို့လား.. ကိုယ့်ကိစ္စမဟုတ်ဘူး”“အို တက်တက်..အကိုတို့ ပိုက်ဆံ ညီမ ပြန်ပေးမယ်…. ဒီတိုင်းကြီးတော့ ကြည့်မနေနိုင်တော့ဘူး”အရက်မူးနေတဲ့လူနှစ်ယောက်နဲ့ စံပယ်ပန်းဆိုတဲ့ ကောင်မလေးတို့ အပြန်လှန်ပြောနေကြတဲ့ စကားတွေပါ ။ဟိုလူနှစ်ယောက်က ကို သူ့ရင်ဘတ်ကြားက ပိုက်ဆံတစ်ထပ် ပြန်ထုတ်ပေးလိုက်ပြီး သွေးအိုင်ထဲကလူကို ကျွန်တော်နဲ့အတူ ၀ိုင်းကူညီပေးနေပါတယ် ။
ခက်တာက ကျွန်တော့်ပုဆိုးက အသစ်စက်စက်ဆိုတော့ မာဂေါက်ကြီးဖြစ်နေတာ ။ခေါင်းကို စီးထားပေးပေမယ့် မခိုင်ဘူး ။ သွေးအိုင်ထဲက ဆရာကတော့ ဖြူလျော့ပြီး သတိလစ်နေပါပြီ ။ပုဆိုးတစ်ခုလုံးသွေးတွေ စိုရွှဲနေတယ် ။
“အကို့ ပုဆိုးနဲ့ မဖြစ်တော့ဘူး.. ညီမ အင်္ကျီနဲ့ စည်းထားမှဖြစ်မယ်”စံပယ်ပန်းဆိုတဲ့ ကောင်မလေးက သူအပေါ်မှာ ၀တ်ထားတဲ့ ဘလောက်အင်္ကျီပန်းရောင်လေးကို ချွတ်ပြီး ကျွန်တော့်ကို ပေးတယ်..။ခေါင်းက သွေးတစိမ့်စိမ့်ထွက်နေတဲ့ နေရာကို ကျွန်တော်လိုက်ရှာတော့ သူ့ ကီးပတ်ဖုန်းလေးက မီးလေးနဲ့ ထိုးပြထားတယ် ။ဒဏ်ရာက တော်တော်ကြီးပါတယ်.. ဟက်တက်ကြီးကွဲနေတာ..နောက်စေ့ဘယ်ဘက်အခြမ်းမှာ..။သူ့အင်္ကျီလေးကို ကျွန်တော်ဆွဲစုတ်တော့ သူ့မျက်နှာလေးက နှမြောတဲ့ ပုံစံလေးနဲ့ တစ်ချက်ငေးနေလိုက်တာ ကျွန်တော်သတိထားမိလိုက်တယ် ..။
အေးလေ…အသက်(၁၆)လောက်ပဲရှိတဲ့ ကောင်မလေးတစ်ယောက် ။ဒီအင်္ကျီလေးဟာ သူ့အသွေးအသားနဲ့ ရင်းနှီးပြီး ရထားတဲ့ ပိုက်ဆံနဲ့ ၀ယ်ထားတာ..။
နှမြောရှာမှာပေါ့…။ဘာပဲဖြစ်ဖြစ် သွေးထွက်လွန်နေတဲ့နေရာကို ပိတ်ထားနိုင်တဲ့အတွက် စိတ်ချရပြီလို့ ဆိုရမှာပါပဲ…။လူတွေကတော့ အုံကြည့်လိုက် ထွက်သွားလိုက်နဲ့ သွေးအိုင်ထဲက လူဘေးမှာ ကျွန်တော်နဲ့ စံပယ်ပန်း နှစ်ယောက်တည်းပဲ အလုပ်များနေပါတယ်..။မနက် သုံးနာရီကျော်အထိ ရဲ ရောက်မလာပါဘူး..။
ဟိုလူ တစ်ချက် သတိလည်လာတဲ့အချိန် ဖုန်းနံပါတ်တစ်ခုကို ရလို့ ဖုန်းဆက်လိုက်တော့လည်း ဖုန်းမကိုင်ပြန်ဘူး..။ဆောင်းဝင်ခါစမို့တော်ပါသေးတယ်…။
စံပယ်ပန်း ခမျာ ရှင်မီး သာသာ ကြိုးတစ်ချောင်းအင်္ကျီလေးနဲ့ ချမ်းနေရှာတယ်..။မနက်သုံးနာရီခွဲမှာတော့ ရဲကားတစ်စီးနဲ့ အရာရှိတစ်ယောက်ရောက်လာပါတယ်..။ကျွန်တော်နဲ့ အကျိုးအကြောင်းပြောနေချိန် လူတွေကတော့ တစ်ယောက်ပြီး တစ်ယောက် ရှောင်သွားကြပါပြီ…။ရဲတွေလာတယ်ဆိုတော့ စံပယ်ပန်းလဲ ရှောင်သွားပုံရပါတယ်..။ကျွန်တော်သူ့ကို နားလည်ပါတယ် ။သူ့အသက်မွေးဝမ်းကြောင်းက ရဲ နဲ့ ဆက်ဆံလို့ မကောင်းတဲ့ကိစ္စမဟုတ်လား..။ရဲတွေအကူ အညီနဲ့ ဆေးရုံပို့ပေးလိုက်နိုင်ပါတယ်..။ပြိုင်ကားတစ်စီးဝင်တိုက်တာလို့ ရဲက ယူဆပါသတဲ့…။ဆေးရုံမှာ အရေးပေါ်ခန်းဝင်တဲ့အထိ ရဲအရာရှိနဲ့ ကျွန်တော် တစ်ရေးမှ မအိပ်လိုက်ရဘူး..။ဆရာဝန်ပြောစကားအရ အချိန်တစ်နာရီလောက်ထပ်သွေးလွန်ရင် သေဖို့ပဲရှိတော့ပါသတဲ့နေ့လည်ခင်းအထိ ဆေးဝယ်တာကအစ ရဲအရာရှိနဲ့ ကျွန်တော် အိပ်စိုက်လုပ်ပေးနေရတယ်..။နေ့လည်တစ်နာရီမှာ လူနာသတိလည်လာမှ ဖုန်းနံပါတ်တစ်ခုရပါတယ်..။အဲဒီတော့မှ ဖုန်းဆက်လိုက်မှ သူ့မိသားစုရောက်လာပါတော့တယ်………….။
ဘာပဲဖြစ်ဖြစ် စံပယ်ပန်းကို ကျွန်တော် အမြဲသတိရနေမှာပါ..။ကိုယ့်ရှေ့မှာ သေကောင်ပေါင်းလဲဖြစ်နေတဲ့ လူတစ်ယောက်ကိုရပ်ကြည့်နေရက်တဲ့ယောင်္ကျားရင့် မကြီးတွေကြားမှာ ညဉ့်ငှက်မလေး စံပယ်ပန်းက သူ့အသက်မွေးဝမ်းကြောင်းအလုပ်ကိုတောင် ဖျက်ပြီး ကူညီရဲခဲ့တယ်…။ပြသနာတက်မှာကြောက်လို့ဆိုပြီး လူတစ်ယောက်သေမှာကို ငုတ်တုပ်ထိုင်ကြည့်နေခဲ့တဲ့လူတွေထဲမှာ သူ မပါဘူး…။ကျွန်တော်လည် မပါခဲ့ဘူး..။အကြောက်တရားဟာ ကျွန်တော်တို့နိုင်ငံက လူတွေရဲ့ဦးနှောက်ထဲမှာသာမက နှလုံးသားထဲမှာပါ ကြီးစိုးနေတယ်ဆိုတာ ညကမှ ကျွန်တော်သိခဲ့ရတာပါ..။ဘာပဲဖြစ်ဖြစ်.. ဘလောက်အင်္ကျီပန်းရောင်လေးတစ်ထည် ကျွန်တော်ဝယ်ဖို့ကြိုးစားပါ့မယ်..။ပြီးရင်တော့ မင်္ဂလာဈေးမှာ စံပယ်ပန်းဆိုတဲ့ ညဉ့်ငှက်မလေးတစ်ယောက်ကို သွားရှာပြီး လက်ဆောင်ပေးဖြစ်အောင်ပေးမယ်……..။
ပြည့်တန်ဆာတစ်ယောက်ရဲ့ ခန္ဒာကိုယ်နဲ့ရင်းပြီး ၀ယ်ထားတဲ့ အင်္ကျီလေးတစ်ထည်ဟာ လူတစ်ယောက်အသက်ကို ကယ်ခဲ့လိုက်နိုင်တာပဲ……….။ကဲ ဘယ်လောက်များ တန်ဖိုးကြီးလိုက်တဲ့ ဘလောက်စ်အင်္ကျီလေးလဲ..။ဒီတော့ သူ့အတွက် ဒီအင်္ကျီတစ်ထည်ဖိုးလောက်ကို ကျွန်တော်က ဘာအတွက် နှမြောနေရအုံးမှာလဲ…။စံပယ်ပန်း ညီမလေး…ညည်းဆီကအသွေးအသား ၀ယ်နေတဲ့ ယောင်္ကျားရင့်မကြီးအချို့ထက် ညည်းက မြင့်မြတ်ပါတယ် ကလေးရယ်…။
Credit: ခက်ဇော်
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon